Urri lehenengora arte, Kultur Etxean sei panel dagoz, informazino guztiagaz eta bertan bozkatu daiteke bakotxaren gustukoena. Behin diseinua aukeratuta, proiektua gauzatzeko lanak lehiaketa publikora aterako dabez.
Desbardintasun nagusia, eregiteko erabilitako materialen aukeraketan dago; batean zura da nagusi, bestean metala. Pelotalekua estaltzeaz gain, umeentzako jolas gunea be tapauko dau teilatu barriak. Horrezaz gainera, soinua xurgatzeko panelak izango ditu estalgiak, ekitaldien akustikea hobetze aldera.
Estalgia ipintearen arrazoia, euria danean kirola egiteko aukerea egoteaz gainera, mota guztietako ekitaldiak egin ahal izatea da. Frontoia bakarrik ez, alboko umeentzako jolasgunea be tapauko dau estalgiak.