Bihar, hilak 20, Igorreko Kultur Etxean ikusi ahalko da, 20:00etan, David Desola idazle kataluniarraren Almazenean antzezlana, Zuhaitz Gurrutxaga eta Iker Galartza aktore ezagunek taularatuta. Begoña Bilbaok zuzenduta, komedia garratza da obrea, lan mundua aztertuten dauana.
Langileenganako esplotazinoa eta sistema kapitalista ardatz moduan hartuta, langileen arteko gatazkak ipinten dira jopuntuan. “Jubilazinoa hartzeako dagoan arduraduna (Iker Galartza) eta bere lanpostuan ordezkatuko dauanak (Zuhaitz Gurrutxaga), ezinbestean, bost egunez lanlekua partekatuko dabe, itxuraz ezer gertatzen ez dan almazen huts batan. Erlojuaren tik-tak okerra, ezezagun biren arteko isilune deserosoa, esperoan egotearen amorrazinoa, personaia biren arteko gatazka eta guzur handi baten zama”, sinopsiaren arabera.