Makatzak Arratiako Ekologistak taldeak antolatuta, gaur, hilak 15, Inguruko altxorrak ezagutu ala... suntsitu argazki eta multimedia erakusketea inaugurauko da Igorreko Kultur Etxean, 18:00etan. Xabier Ramos, Gartzen Martinez, Jasone Aldekoa eta Jose Angel Mintegiren irudiakaz osotu da erakusketea.
Arratiako altxor naturalak erakustea eta indarrean ipintea dauka helburu. Bai eta gure inguruko ondasun naturalean eragina daukien makroproiektuak salatutea be. Argazki eta multimedien bitartez egingo da hau eta hilebetez egongo da ikusgai, urtailaren 15era arte, Kultur Etxeko ohiko ordutegian.