Kiñu Gaztetxeak jakinarazo dauanez, aurtengo kurtsoan dinamika barri bat ipiniko da martxan, Zineforuma. Holan, hileko lehenengo domeka guztietan egingo da proiekzino eta eztabaidea, pil-pilean dagoan gai bat oinarri hartuta. Lehenengo saioa domekan, hilak 5, izango da 18:00etan eta Israelek palestinarren, eta bereziki Gazaren, kontra hasitako erasoaldia izango da berbagai. Horretarako, Inch'Allah (Anaïs Barbeau-Lavalette, 2012) pelikulea ipiniko da.
Pelikulan, Cisjordaniako palestinarrentzako errefujiatu-esparru batean, Chloe gazte kanadiarrak haurdun dagozan andrak zaintzean ditu. Bitartean, hesiaren alde bietako jenteagaz izango dau harremana eta mundu biak nahasterakoan, kontrolgune edo militarren erasoetan, bere siniskera eta eretxiak aldatuko ditu.