Aurten be, Igorreko Zirku Eskolako ikasleek urte osoko lana batuko dauan ikuskizuna taularatuko dabe Lasarte Aretoan: Sasi guztien gainetik, laino guztien azpitik. Bagilaren 21ean egongo da ikusgai akrobazia ikuskizuna, 17:00etan. Zirku Eskolako ikasle gazteenek urtean zehar emoten daben emonaldi bakarra izaten da kurso amaierako hau baina akrobata aurreatuagaz be badagoz Igorren.
Atzen urtean, Igorreko Zirku Eskoleak hamargarren urteurrena bete eban eta bertan egon zan BEGITU. Aretoa bete-beteta urten ziran orduan 23 akrobata gazte oholtzara, aire akrobaziak egiten. Maider Yabar irakasleak orduan adierazo eban, "Arratiako bailarak badauka zeozer berezia dana, aire akrobazietarako harrobi itzela da hau".