Asteon bete dauz Igorreko Herrikoa kudeatuten dauan Axular Kultur Elkarteak 37 urte eta hau ospatuteko, urteurren jaia egingo da zapatuan, hilak 27. Egun osoko jaia izango da, 11:00etan hasi eta gauera arte iraungo dauana. Axularren histoia ezetuteaz gain, egunez gozatu eta gaueko kontzertuakaz festa egiteko eguna izango da 37. urteurrena.
Programautako lehen ekintzea 11:00etan hasiko da, 1986. urtetik gaur arteko historia eta istorioak kontauko ditue Axular, 37 urte berbaldian. Bitartean, umeentzako jolasak be egongo dira. Berbaldia amaituta, eguerdian trikipoteoan urtengo dira hurreratutakoak herritik zehar eta bertso-bazkarirako bueltauko dira, 14:30ean, Fredi Paia eta Arkaitz Estiballes-egaz.
Arrastian barriz, bozgorailua hartuta egingo dabe poteoa Igorreko tabernetatik. Gauez, Very Txarrak taldea egongo da eta Matxinadako dj-ak ostean. Lehenak Berri Txarrak taldearen bersinoak joten dauz eta bigarrenak, Zeberioko dj-ak dira.