Zapatu arrastian jokatu eban Arratia A taldeak Gallarta A taldearen kontra eta husna bardindu eban etxean. Halanda be aurkarien emaitzek mailaz igotea ahalbidetu dabe.
“Zorionak familia honetako kide zarien jokalari guztioi, igoerea guztiona dalako” adierazo eban Pedro Ormazabal Arratia futbol taldeko presidenteak sare sozialetan. Arratia lider dago 65 puntugaz. Datorren partidua Apurtuarte taldearen kontra jokatuko dau Urbietan hilaren 20an arrastiko 15:45ean.
Gazteak be Ohorezko Mailara
Arratiako gizonezkoen Gazteak mailako taldeak be mailaz igotea lortu dau, atzo jokatu eban denporaldiko atzen partidua Urbietan eta 1-0 irabazi eban talde arratiarrak Galea A taldearen kontra. Ligea amaituta Arratiak 75 puntu lortu ditu eta bigarren postuan gelditu dan Sestao River A taldeari 13 puntu atera deutsaz.