Pasau dan legegintzaldian hasi zan proiektua da Igorreko Gaztegunearena, Lehendakari Agirre kaleko 13-17 portalen azpiko lokala eta lursaila hartuko dituana. Bertan, Gaztegunea eta erreka bazterrean parketxo bat eregiteko. Tokia, 2019an geratu zan Igorreko Udalaren esku, 277.000 euro ordaindu ostean eta hainbat tira-bira eragin ebazan erosketeak, EAJ eta EH Bilduren artean.
Bihar, hilak 29, behin-betiko proiektua aurkeztuko dau Udalak Kultur Etxean, 19:00etatik aurrera. Gazteguneak eta honen inguruak zelango itxurea izango daben erakusteko mapa bat argitaratu dabe eta bertan ikusten danez, Gaztelekuak 800 metro karratu inguru izango ditu eta kanpoko berdeguneak, 1.300 metro karratu inguru.