Zezeilaren 3an, barikua, Kimua izeneko eragile politikoa bere burua eta bere proposamenak aurkeztera dator Igorreko Kiñu Gaztetxera. "Euskal Herrian dominazino sistema ulertu eta burrukatzeko, paradigma iraultzaile barri bat eraikiten" dabilen taldea da Kimua eta euren proposamen politiko nagusia, "bizitza askea eta Euskal Herriko Komunen Sistema" dala azalduten dabe.
Holan, proposamen hori "sostengatzen dauzan hipotesiak" landuten dabiz eta bide horretan, hainbat liburuxka argitaratu ditue: Dominazioaren sistema-Klase jendartearen erroak eta egungo adierazpena; Patriarkatua-Dominazio sistemaren zutabe; Materia, bizitza, lana-Ekologia politikoaren irakurketa eta Etika iraultzailea eta antolaketa.