Abenduaren 2an, barikua, Igorreko Kiñu Gaztetxean Calathea eta Bullets of Misery hardcore eta metal taldeek zuzeneko kontzertuak eskainiko dabez. Gaztetxeko ateak 21:00etan zabalduko dira eta sarrerearen prezioa hiru eurokoa izango da.
Callathea 2021ean Galdakaon sortutako laukotea da eta iraganeko rocka zein hardcorea buztartuten dauz. Eurena, "inork azaleratu gura ez dauzan sentimenduak gure barneko forma gordinenean oihukatzen dauan musikea" dala dinoe. Doinuen iturri nagusi lez barriz, Viva Belgrado, Counterpartes talde kanadiarra eta Meltdown hernaniarra ditue.
Bullets of Misery ostera, Gernikan jaio zan eta hamabost urte daroaz oholtzan. Lau disko argitaratu ditue daborduko, urrietan aurkeztu eban atzena: Debile principium melior fortuna sequatur (Violence in the Veins). Death metal, thrash eta hardcore musikea lantzean dabe baina batez be, eurena "%100 baserriko death-a" dala dinoe.