Urtero lez, bazkide izateko Gabonetako kanpainea abiatu dau Igorreko Kultur Etxeak. Holan, atzotik eta abenduaren 22ra arte, bost euro merkeago izango da lagun-txartela egitea. Bazkidea izateak hainbat bentaja dakarz lagun-txartelak.
Izan be, Lasarte Areto eta saretuta dagozan beste aretoetako ikuskizunetan %25eko deskontua izaten dau txarteldunak, lau film eta Lasarte Aretoak aukeratutako beste ikuskizun bat debalde ikusteko aukerea izango dau; IKEko ikastaroetan %15eko deskontua dauka eta programazinoa etxean jasoten dau. Igorren bakarrik ez, Euskal Antzoki Sareko areto guztietan balio dau txartelak.
Kanpaineak irauten dauan bitartean, norbanakoek 25 euro pagau beharko dabe lagun-txartela; familiako lagun txarteleko 20 euro kide bakotxak eta 14 urtetik beherakoentzako prezioa 15 eurokoa da.