Hilaren 9an hasi zan Italiako San Domenico di Varzo herrian Skyrunningeko Mundu Txapelketea eta lehen proban jokatu zan kilometro bertikala. Onditz Iturbe korrikalari igorreztarra be egoan bertan, Espainiako selekzioagaz, eta laugarren ailegau zan helmugara.
Kilometro bertikalean, 1.063 metro gainditu behar izan ebazan 3,8 kilometroko bide laburrean eta helmugea, ia 2.500 metroko altueran egonda. Hau 44 minutu eta 14 segundotan egin eban, selekzioko arinena beraz. Irabazleak ostera, Maude Mathys suitzarrak 40 minutu eta 50 segundotan amaitu eban probea.