Igorreko Gezala, edo Basauntz, auzoko jaiak ospatuko ditue astegoien honetan. Bagilaren 3an hasi eta zapatuan izango dabe jarraipena. Barikuan, egitaraua 21:30ean hasiko da, Erlauntza filmaren proiekzinoagaz. Mireia Gabilondoren komedia honetan, andra-talde bat festarako batzen da baina plana ez da ondo urtengo, aspaldiko eta oingo trapu zaharrak argitara urteten dira-ta.
Zapatu goizean barriz, argazki erakusketeagaz hasiko dabe eguna. Gero, tortilla eta paella txapelketetarako kozinau bitartean, umeentzako tailerrak egongo dira. Arrastian be egongo dira umeentzako tailerrak, briska eta mus lehiaketak jokatu bitartean. Amaitzeko, Kittu taldearen erromeriagaz jantzan egiteko aukerea egongo da.
Egitaraua
Bagilak 3, barikua
- 21:30ean, film emonaldia Gezalako plazan, Erlauntza pelikulea. Ikusleen artean txokolatea eta bizkotxoak bananduko dira.
Bagilak 4, zapatua
- 11:30ean, argazki erakusketea.
- 11:30etik 12:00etara, Paella eta Tortilla txapelketetarako izen emoteak.
- 12:30ean, umeentzako tailerrak Urtxintxa eskolak dinamizauta.
- 14:00etan, tortillen aurkezpena.
- 14:30ean, paellen aurkezpena.
- 16:00etan, Briska eta Mus Txapelketetarako izen emoteak.
- 16:30ean, Briska eta Mus Txapelketak.
- 16:30ean, umeentzako jolasak Urtxintxa eskolak dinamizauta.
- 18:00etan, Kittu taldeagaz erromeria. Erromeria amaitu eta gero, parrilladea egongo da bertan dagoan jentearentzat.