Igorreko merkatarien alkarteak, AMEk, antolatutako "Dendak kalera" ekimena zapatu honetan bueltauko da, herritarrengana hurbiltzeko helburuagaz. Hasikera baten, postuak Urbietako aparkalekuan ipintekoak ziran, baina eskolako aterpean egongo dira atzenean. Egun osoko ekintza izango da, 10:00etan hasi eta 20:00etara arte.
Postuetan erropa, paper-dendako materiala, antiparrak eta jana egongo dira salgai, besteak beste. Bederatzi komertziok hartuko dabe parte azokan: Klitz, Maran Kirolak, Ainara Kirolak, Kili Kili, Marrak, Rock & Love, Olaetxe Optika, Politte eta On Egin.