Makatzak Arratiako Ekologistak taldeak elikadura eta konsumo ereduak aldatuteko prozesua ipini gura dau martxan, elikadura burujaubetzarantzako norabidean. Horretarako, beharrezkoa ikusten dabe inguruko eragileakaz alkarlanean egotea, "danak beharrezkoak!". Beraz, eragileei egin deutsie martiak 5erako Makatzakekoek deialdia; ekoizle eta konsumitzaile eragileei, bai eta guraso alkarte zein bestelakoei.
Holan, sare sozialetan azaldu dabenez, Arratiako egoerearen argazkia egin eta urtengo diran proposamenak gauzatzeko bideak topauko dabez zapatu goizean. Helburua, elikadura burujabetzarantzako pausuak emotea eta konsumo konszientea bilatzea da.
Elikadura burujaubetza La Via Campesina mobimentuak 1996an sortutako terminoa da eta nazinoarteko merkadu eragileen menpe dagozan elikagaien aurrean, jentearen elikadura, nekazaritza , abeltzaintza eta arrantza sistemak definiduteko eskubidea aldarrikatzen dau.