Filia alkarteak andra eta neskatoen kontrako indarkeriaren aurka egiten dau behar eta aurreko astegoienean Portsmouth-en egindako Bretainia Handiko urteroko konferentziara konbidau eban Costumero bere kasua adierazoteko.
Igorrekoak epailearen aurrean jarri ebazan BFAko Haurren Arreta Zerbitzuetako lau langile eta kargu; tartean, Gizarte Ekintza diputadua. Prebarikazino, tratu txar eta lesino psikologikoko karguetatik absolbidu ebazan Probintziako Auzitegiak, baina Costumero hainbat helegiteren ebazpenen zain dago. Portsmoutheko konferentzian, NBEk estadu espainiarra txarretsi ebala kasu honengaitik ekarri eban gogora.
EAEko erakundeek adin txikikoen ebaluazinoan, “tratu txar psikiko” atalean, “guraso figurak gatazkan instrumentalizatzea”, hau da GASa, jasoten dauan dokumentua erabilten jarraituten dabela salatu eban. Beste herrialde batzuetan be apliketan dala andren kontrako indarkeria tresna hau salatu eben Britania Handiko feministek.