Amaia Aldai eta Arrate Bergara San Fermin Torneoko lehian sartuta dagoz. Lehenengo partiduan, maiatzaren 9an, 22-16 galdu eben Olatz Arrizabalaga eta Nahia Bertizen kontra. Baina bigarren partiduan bai, bagilaren 7an jokatu zana, irabaztea lortu eben. Madalen Etxegarai eta Irati Zabalaren kontra 22-10 irabazi eben; Aldaik BEGITUn kontau dauanez, “nahiko erraz eta sentsazino oso onakaz”.
Oin arte lortutako emaitzakaz, datorren partidua sano garrantzitsua izango da finalaurreko ligaxkara sailkatu ahal izateko. Bagilaren 21ean izango da partidua, aurreko urteko txapela defendiduten dabizan Goiuri Zabaleta eta Itxaso Erasunen kontra, gainera, Erasunen etxean, Zizurkilen. Finalaurrekoak Donezteben jokatuko dira eta finala, sanferminetan Iruñean.