Pasau dan barikuan, hilak 15, jokatu ziran Buruz Buruko B Serieko Txapelketako finalaurrekoak Irungo Uranzu frontoian. Xabi Rekalde dimoztarrak, Asier Agirreren lesinoa zala-ta lortu eban finalaurrekoetarako txartela partidu bat gitxiago jokatuz baina ezin izan eban finalerako txartela lortu. Unai Amiano 22-17 nagusitu zan, partidu gorabeheratsu baten ostean. Amiano 9-2 ipini zan aurretik baina Rekaldek hau harrapau eta bardinduta mantenidu ziran 17-17ra arte. Atzenengo tantuetan baina, Rekaldek hainbat huts eginda aurreratu zan irundarra.
Holan, Rekaldek amaitutzat emon dau profesional moduan jokatutako bere lehenengo buruz burukoa. Beste aldean, Ander Muruak 22-12 irabazi eutsan Unai Alberdiri.