Dimako Udalak Euskal Herria eta Espainiako Estadutik kanpo jaiotakoen erroldea egin eban eta atzerritarrak diran 50 bizilagunetik gora dagozala topau eben. Hogeta lau herrialdetatik etorritako jentea bizi da herrian eta Udalak ez eban hainbesteko nazinoarteko aberastasunik espero. Herrian bizi diran etorkinak betiko dimoztarrakaz batzeako zeozer egin behar zalakoan antolatu dabe Ama Hizkuntzen Nazinoarteko Eguneko ekitaldia.
Udala eurekaz kontaktuan jarri ostean, nahi izan dabenek, norbere hizkuntzan testu bat idatzi dabe; poema bat, ipuin bat, errezeta bat… Testu honeek euskerara eta gaztelerara itzuli dira eta hilaren 20ko ekitaldian, hiru hizkuntzetan irakurriko dira: jatorrizkoan, euskeraz eta gazteleraz.
Udaletik BEGITUn aurreratu dabenez, momentuz hamar bat dira entzungo diran hizkuntzak: portugesa, slovenierea, faloa, arabierea, italierea, frantsesa, alemanierea, hasaniera… Ekitaldiaren ostean, meriendea egingo da bertaratutakoak alkar hobeto ezetuteko helburuagaz.