Golden Shears munduko ardi moztaile txapelketea martiaren 4tik 7ra jokatuko da Mastertonen (Zeelanda Barria) baina daborduko Euskal Herriko selekzinoa badago bertan. Tartean, Mikel Etxebarria eta Janire Artabe dimoztarrek hartuko dabe parte. Txapelketea hiru urterik behin jokatuten da eta hau hogeigarren edizinoa izango bada be Euskal Herria lehenengoz egongo da lehian. Abadiñon egindako selekzinoaren aurkezpenean adierazo ebenez, esperientziaz gozatutera eta Euskal Herria moztaile herria be badala aldarrikatuko dabe mundu mailan.
28 selekzinok hartuko dabe parte eta Euskal Ardi Moztaileen Elkarteko kideek adierazo eben mugarri historikoa izango dala Euskal Herria munduko 28 herrialdegaz batera lehian egotea.