Partiduaren hasikeratik igarri zan Gaminde pelotari laukiztarra frontoira oso motibauta sartu zala eta Aldaik ezin izan eban hau bardindu. Aldaik adierazo eban moduan “asko jokatu eban Gamindek eta ez eustan itxi nik gura neban jokoa egiten”. Halanda be, pelotari dimoztarrak egindako partiduagaz oso pozik amaitu ebala be adierazo eutsan BEGITUri.
Lau T’erdiko torneoa amaituta, gaur, hilak 26, hasiko dabe Aldaik eta beste andra profesionalek Emakume Master Cup-eko Binakako Txapelketa Nagusia. Oingo honetan Aldaik Salsamendigaz batera jokatuko dau.