Haziak: Zergatik eta nola egin zureak liburua, autonomia ereiteko eta herria josteko tresnak emoten dituan lana da. Zemendiaren 27an arrastiko 19:00etan aurkeztuko da Dimako libututegian. Miguel Arribas "Kelo" eta Marc Badal, Aleka proiektuko kide dira eta liburuan, haziak zelan eta zergaitik egin azalpen zehatzak emoten dabez. Gainera, Euskal Herriko hazien historia eta egun mundu mailako egoeraren argazkia azaltzen dabe. Etxerako elikagaiak sortuteko oinarriak be emoten dira testuliburuan, modu sinple eta grafikoak erabilita. Ortuko espezieak zelan zaindu behar diran; uzta noz, zelan... batu behar dan; haziak ondo aukeratuteko aholkuak, eta honeek zelan zaindu, garbitu eta konserbetako azalpenak bilduten dauz liburuak. Argiagaz batera plazaratutakoa da eta hazien gaineko jakintza praktikoaz aparte, honeen ikuspegi politikoa be azpimarratuten da.