Bariku Txiki ekimenaren barruan, umeentzako Mad Science zientzia tailerrak 18:00etan izango dira gaur, hilak 17, Abaroan, eta Lehen Hezkuntzako umeentzat pentsauta dagoz. Esperimentu dibertigarriak eta ikasketa-jolasak buztartuz, zientzia modu ludikoan ezetuteko aukera parebakoa izango da.
Nagusientzat, barriz, Kilimaterioa ikuskizuna eskainiko da 19:00etan, eskolako kamaran. Lan hau Kaitin Allenderena da, bere Klimaxetik klimateriora eta buelta bakarrizketatik abiatuta, eta bertsoak Izar Mendiguren eta Oihane Perea bertsolariek ipiniko deutsiez.
Kilimaterioa umorez eta gogoetaz betetako ikuskizuna da, andren ikuspegia erdigunean ipinten dauana eta menopausiaren ingurukoa. Barre egiteko eta pentsarazoteko momentuak buztartzen ditu, klimaterioan askotan isilean bizi izan diran egoerak agerian itxiz eta normalizazinoa bilatuz.