Pasau dan astegoienean egin eban debut profesionala Xabier Rekalde dimoztarrak, ASPEgaz urte biko kontratua sinatu ostean. B serieko 4 1/2 Eusko Laber Txapelketan dabil eta debutean Joseba Aldaveren kontra 22-13 irabazi ostean, bigarren partiduan be urten da garaile Rekalde. Zapatuan Bilbon jokatu eban Ander Muruaren kontrako norgehiagokoa eta Rekaldek beste garaipen argi bat lortu eban, 22-11 irabazita.
Hurrengo asteetan Asier Agirre eta Iker Salaberria faboritoen kontra jokatu beharko dau Rekaldek. Bide onetik jarraituz gero, finalaurrekoetarako txartelak lortutea izango dau eskura Dimakoak. Momentuz, profesionalak aurrez aurre egotearen urduritasunari eutsi eta kantxan bere jokoa nagusitutea lortzean dabil Rekalde. Hurrengo partidua barikuan jokatuko dau Zornotzan, Asier Agirreren kontra.