Xabier Rekalde Azkuenaga (Dima, 2003) pelotariak urte birako kontratua sinatu dau ASPE enpreseagaz eta atzo egin eban debuta Eibarko Astelena pelotalekuan. Jarraian sartu da dimoztarra B serieko 4 1/2 Eusko Label Txapelketan eta lehenengo partidua irabazi egin eban, 22-13, Joseba Aldaveren kontra. Holan, beste hiru partidu izango ditu aurretik finalaurrekoetarako txartela lortzeako. Asier Agirre eta Iker Salaberria faboritoak izango ditu aurkari, bai eta Ander Murua. Atzen honen kontra zapatuan, hilak 11 jokatuko dau, Bilbon.
Txumuluxueta klubeko kideek, lagunek eta familiak autobus bi bete ebezan Rekalde animetako eta honeek babestuta, momentu batzutan urduri igarri jakon arren, fin ibili zan Dimakoa kantxan. Hasikeratik inposatu eban Rekaldek bere jokoa eta Aldavek gauza gitxi egin ahal izan eban, Dimakoa 7-0 aurreratu zan-ta hasikeratik.