Diman umeentzako eskaintza kulturala handituteko asmoagaz sortu zan pasau dan kursoan Bariku Txiki ekimena, "txutxe eguna bakarrik ez dalako..." lelopean, hilean bariku batez txikerrenentzako ekintzak egiteko. Udako geldialdiaren ostean, aurtengo ikasturtean be ekindo deutsee ekimenari eta lehenengo saioa bihar, hilak 19, izango da. Abaroa aretoan Urtxintxa Eskolearen Patxintxiketan: Urtaroen bidaia antzezlana egongo da ikusgai 19:00etan. Antzerkia, abestiak, jantzea eta jolasak batzean ditu ikuskizun honek.
Sinopsia
Parke eder baten, non umeek jolasten daben eta natura loratzen dan, Patxintxi urtxintxak gidatzen ditu bere hiru lagunak Urtzi, Ilargi eta Udane, barrez eta poztasunez beteriko eguneroko abenturetan. Ha-ta guzti be, bere mundu baketsua arriskuan dago Kutsadura Doktorea parkera iristen danean.