Dimako ermiten ibilaldia luzea, 32 km inguru, eta arin egin beharrekoa izaten da, 07:00retatik 14:00etara. Horregaitik akaso, inoz ez dau jente askorik parte hartu. Aurten, antolakuntzeak jente gehiagok parte hartzea gura dau eta, ermita guztietatik pasau beharrean, erdiak baino ez dira egongo aurtengo ibilbidean; beste erdiak 2026ko martxarako itxita. Hilaren 13n, zapatuan, izango da eta ez dago izena emon beharrik. Oindino zehaztuta ez dagoan orduan partaideak Dimako plazan egon behar dira eta danak batera abiatuko dira ibilbideari ekiteko.
Plazatik urtenda, Piedadetik pasau eta handik San Migel Txiki, San Roke (Olazabal), San Ignazio (Arostegieta), Santa Maria Magdalena (Lamindao), San Blas eta San Fraisku (Indusi) lotuko dabez ibiltariek. Ostean, Indusitik Ugaranara bajatuko dira. Gainerako ermitak 2026ko ibilaldian bisitauko dira.