Bagilaren 14an Arratzun egon zan jokoan Bizkaiko Lasto Botatze Txapelketea eta aurten be, Txabila Klubeko Jose Martin Bustinza "Tubi" dimoztarra nagusitu da, txapela eroanez. Tubik 6 metro eta 10 zentimetroko altueran ipinitako langea pasetea lortu eban lasto fardoagaz, bigarrenari 90 zentimetroko aldea aterata. Errrekorra be berak dauka, 6 metro eta 70 zentimetrotan.
Bigarren Beñat Obietak (Arratzuko Piratak Herri Kirol Kluba) egin eban 5 metro eta 20 zentimetrora botata fardoa; hirugarren, Mikel Agirre (Mallabiko Txondor Herri Kirol Kluba) izan zan eta fardoak 5 metro langea gainditu eban.
Euskal Herriko Txapelketako 18 txapel ditu dimoztarrak, jokatu dauzan guztiak eta jokatutako Bizkaiko guztiak be baditu, 2022koa izan ezik, lesino bat dala-ta bigarren egin eban urte haretan. Urte batzuetan Gipuzkoako Txapelketea jokatu eban eta hango 3-4 txapel be baditu. Baina sare sozialetan txapelketearen barri emotean, "gaurkoa izango ete da atzena?" komentarioa egin dau, etorkizuneko ateak zabalita itxiaz.