Diman ume eta familientzako aisialdia girotuteko ekimena da Bariku Txiki eta zenbait barikutan, kultur eskaintza zein ekintza desbardinak antolatuten dira. Oingo barikuan, aprilak 11, ipuin kontaketa musikatuagaz gozatu ahal izango dabe herriko txikerrenek. Naita Produkzioak konpainiako Nerea Ariznabarreta eta Mariano Hurtadok Bertoko eta urrutiko ipuinak kontaketea egingo dabe, musikeagaz lagunduta.
Sinopsia
Maitasuna, konfidantza eta biziraupena bezalako gai unibertsaletaz arituko gara kultura ezbardinen begiradapean; Sioux indiarrak, tuneztarrak eta euskal herritarrak gehiago ezagutuz. Errespetu eta umoretik kontatu eta kantatuko doguzan leienda honeetan amets harrapakariak, arranoak, basamortuak, astoak, merkatariak, baserriak, anai–arrebak eta mendiak azalduko jakuz. Zuzeneko musikak leku bakoitzera eramango gaitu bertako kulturen usain eta zaporeak gogora ekarriz.