Dima 2016an hasi zan memoria historiko berreskuratuteko lanean eta holan, 2017an sortu zan Bakearen lore gara ekimena. Urtero-urtero, aprilaren 6an Dimako ermitetako kanpaiak joten ditue oin dala 88 urte abiazino faxistak herria bonbardatu ebela gogoratuteko. Horrezaz gainera, oingo domekan ekitaldi instituzionala egingo da frontoi txikian 12:30ean, lore eskaintza eta euskerearen galbide mugarrien aurkezpenagaz. Ermitetan kanpaikadak 17:00etan izango dira eta herritarrak, auzoko ermitetara hurbilduteko deia egin dau Txumuluxueta Kultur Elkarteak.
Guda Zibilak beste biktima bat euskerea izan zala-ta, honen lanketea egiteko be aprobetxauko da Bakearen lore gara ekimena. Holan, aprilaren 3an Aitzol Altuna historialariak Euskerearen memoria historiko berbaldia eskainiko dau Abaroa aretoan, 19:00etan.
Memoria historikoa lehen eskutik
2023an, kamarea eskuan, Olazabalgo ermitan izan zan BEGITU auzotarrakaz 1937ko aprilaren 6ko bonbardaketea gogoratuten. Bertan, Manu Aurrekoetxeak Guda Zibil sasoian Dimako egoerea eta Txumuluxuetak memoria historikoaren bidean egindakoa kontau euskun. Gainera, Floren Bizkarguenagaz be berba egiteko aukerea izan gendun, 1937an bost urteko umea zan Olazabalgo auzotarra.