Dimako Txumuluxueta Pelota Klubak eskupeloteagaz lehen kontaktua izateko aukerea ipini dau mahai gainean 2016 eta 2019 urte bitartean jaiotako umeentzako, biak barne. Horretarako, hiru saio antolatu ditu, plazako frontoi txikian egingo diranak eta lehena, oingo barikuan egingo da.
Saioak urri bigarrenaren 25ean, zezeilaren 29an eta abenduaren 13an izango dira, danak barikuak, 16:30etik 17:30era. Saio bakarrera, bira edo hiruretara joateko aukerea izango dabe umeek. Izena aldez aurretik emon behar da klubak zabaldutako online galdetegian.