Txumuluxueta klubeko Xabi Rekaldek Euskal Herriko Ezker Paretako Banakako Klubem Arteko Txapelketako finala lehiatu eban bariku iluntzean Ataungo Auzoeta frontoian. Soraluzeko Manex Balerdiren kontra izan zan partidua eta 22-10 irabazita, txapela Dimara bueltan ekarri ahal izan eban Rekaldek.
Partidu hasikeran Balerdi aurretik egon ahal izan zan, aurrean ondo jokatuz, atzelaria bada be. Halanda be, partiduak aurrera egin ahala Rekaldek erritmoa hartu eta hobeto jokatu eban. Holan, aurrea hartu ahal izan eban, jokoan zein markagailuan, txapela jantzi arte.