Zapatuan jokatu ziran Emakume Master Cup zirkuituko Nafarroako Foru Komunitatea txapelketako finalaurreko jardunaldiak. Altsasun Amaia Aldai eta Madalen Etxegarai, Arraiza eta Gaminderen kontra aritu ziran baina 13-22 irabazi eben atzen honeek. Burlatan barriz, Zabaleta-Galeano eta Garai-Erasun bikoteen artekoa jokatu zan, atzen honeek 22-18 urten ziran garaile.
Holan, ebatzita geratu da bagilaren 9an, Iruñako Bonboneran jokatuko dan finala. Goizez, 11:30ean hasiko dira promesa mailako finalak eta gero jokatuko da elite mailako final handia. Bertan, Garai-Erasun eta Arraiza-Gaminde bikoteak egongo dira aurrez aurre.