Zapatuan, hilak 2, Tolosan jokatu eban Amaia Aldaik Diario Vascok antolatutako txapelketearen finalaurreko partidua Leire Garairen kontra eta 22-13 irabazi ostean, sailkatuta dago abenduaren 16an Zumarragan jokatuko dan finalerako. Beste finalaurrekoa jokatu barik dago oindino, Enara Gaminde eta Goiuri Zabaletaren artean ebatziko da bigarren finalistea.
Aldaik kontau dauanez, zapatuan erraz irabazi eban eta konfidantzaz beteta dago. Lehenengo tantuetan partidua parekatuta egon bazan be, Dimakoak erritmoa hartu eta aurrera egin eban: "Eskoiagaz abiadura handiagaz mobidu neban pelotea eta aurrean, ezkerragaz, asmatu neban tantuak egiterakoan".
MLK banaka
Diario Vascok antolatutako torneoaz gainera, Master Laboral Kutxa buruz buruko txapelketako finalaurrekoa be jokatuko dau Aldai hurrengo egunetan. Kanporaketa honetan, Miriam Arrillagaren kontra arituko da Dimakoa. Abenduaren 6an izango da partidua, eguaztena, Matienako Udal Pelotalekuan 12:00etan.