auzoak

Astegoienean ospatuko ditue sanbizenteak Artaunen

Asier Abrisketa 2023ko abu. 2a, 12:40

Artaungo jaietan, Lourdes Soraluzeren omenezko bola txapelketea jokatuten da.

Dimako Artaun auzoan, egun biko jaia antolatu da abuztuaren 5etik 6ra. Bola Txapelketea, txitxi-burduntzia, erromeria, herri kirolak eta Tortilla Lehiaketea egongo dira, besteak beste.

Sanbizenteak dira, beraz jaietarako sasoia Dimako Artaun auzoan. Abuztuaren 5ean eta 6ean izango dira ospakizunak. Lehenengo egunean, 18:30ean txupina bota eta martxan ipiniko da Lourdes Soraluze XIV. Bola Txapelketea; gero, txitxi-burduntzia eta erromeria. Hurrengo egunean ostera, umeentzako jolasak eta herri-kirolak egongo dira. Iluntzean Tortilla Txapelketea egingo da eta mozorro erakusketa eta errifea zozketatu ostean amaituko dira aurtengo sanbizenteak.

Abuztuak 5, zapatua

  • 18:30ean, txupinazoa.
  • 18:30ean, Lourdes Soraluze XIV. Bola Txapelketea.
  • 20:00etan, txitxi-burduntzi herrikoia.
  • 22:00etan, erromeria Bilbao anaiakaz.

Abuztuak 6, domekea

  • 12:00etan, umeentzako jolasak.
  • 18:00etan, herri-kirolak: lasto altxatze eta botatzea (Jose Martin Bustinza ‘Tubi’ eta Jon Loiola), azkorea (Julen Larrea eta Ioritz Gisasola) eta ingudea (Jose Martin Bustinza ‘Tubi’ eta Jon Loiola).
  • 20:30ean, Tortilla Txapelketarako plateren aurkezpena.
  • 21:00etan, trikitilariak, mozorro erakusketa eta errifen zozketea.
  • 22:30ean, txokolatea eta jaien amaierea.

Egin zaitez Begitu-lagun!

Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?


Izan zaitez Begitu-lagun!