Dimako Lamindao auzoan dago Santa Maria Madalena ermitea eta honen inguruan ospatuko dira urtero lez madalenak. Auzotarrek, egun osorako jaia antolatu dabe. Hasteko, 10:0etan ermitatik hasita, Ilunbera igongo dira bertoko ikurriñea aldatuteko eta bajatukeran, mezea eta barauskarria egongo dira ermitan. Gero, 15:00etan egingo da bazkaria: paellea eta pantxinetea ogi, ardao eta uragaz lagunduta. Arrastian ostera, bazkalostea Ardoa Barrura txarangak girotuko dau eta ostean, herri kirol erakustaldia egongo da. Jaia, txokolatadeagaz amaituko da Lamindaon.
Egitaraua:
- 10:00etan, eleizatik Ilunbera igokerea, ikurriñea aldatuteko.
- 12:00etan, mezea eta luntxa.
- 15:00etan, auzo bazkaria.
- 16:30ean, Ardoa Barrura txarangea.
- 18:30ean, herri kirol erakustaldia.
- 20:00etan, txokolatea.