Astegoienean jokatu dira andrazkoen V. San Fermin Torneoko atzen partidu biak. Hirugarren eta laugarren postuagaitik, Amaia Aldai eta Arrate Bergara bigotea, Leire Garai eta Leire Galeanonoren kontra aritu ziran eta 14-18 amaitu zan partidua, bigarrenen alde. Finalean ostera, Goiuri Zabaleta eta Enara Gamindek osotutako bikote gaztea urten zan garaile, Olatz Arrizabalaga eta Uxue Osesi 17-22 garaituta.
Amaia Aldaik onartu dau partidu "arraroa" izan zala hasikeratik, pelota asko galdu ebezan eta gatx izan eban tantuak aurrean amaituteko. Beste alde batetik, aurkariak Bergara eta bera baino hobeto ulertu zirala esan dau, izan be, dimoztarrak ez eban txapelketea Bergaragaz hasi: "Arrate eta biok ondo hasi ginan, opari gitxi, baina aspaldi egon gara alkarregaz jokatu barik eta kantxan hobeto ulertutea faltau izan jakun hamazortzira heltzeako".