Eingo eskolako ikasle eta lagunek neguko jaia ospatuko dabe zapatuan, hilak 28. 11:30ean batuko dira Dimako plazan eta alkarregaz poteoan ibiliko dira kantuan eta jantzan eta gero, argazkia aterako dabe. 14:00etan, baba jana izango dabe Artaungo Azurmendi jatetxean eta bazkalostean, barriro be kanteteari eta jantzan egiteari ekingo deutsie.
Jai honen helburua, eskolakoak eta zaleak, hau da, Eingogaz batetik bestera dabizanak, batzea da, alkarregaz egoteko, berba egiteko, abestuteko, jantzan egiteko eta musikea joteko. Eingo eskolan musika tradizionala ikasten da: trikitixea, perkusinoa, kantua eta jantzea, ikuspegi bateratu bategaz. 2022ko urri lehenengoan hasi zan eskolak emoten eta 62 ikasle dira daborduko.