Urtailaren 26an, Zuhaitz Gurrutxaga Diman izango da, eskolako kamaran FutbolisTOK bakarrizketea taularatuten, 19:00etatik aurrera. Izena aldez aurretik emon behar da kultura.dima@bizkaia.org helbidean edo 621 184 503 telefonoan. Izena emon barik be itxiko da jentea sartzean, baina lekurik ez badago, izena emon dabenek izango dabe lehentasuna.
Gurrutxaga, batez be, Herri txiki infernu handi ETBko saioaren aurkezlea izatetik ezaguna bada be, futbolaria be izan zan eta bakarrizketan, futbolista baten konfidentziak kontetan ditu umoregintzan, telebistan, antzerkian eta musika munduan bizi izan dituan beste esperientziakaz batera. Umorea erabiliz, eguneroko bizipenak eta gorabeherak erlatibizau eta nork bere buruaz barre egitea bilatzen dau.
FutbolisTOKen Gurrutxagak, TOC edo nahasmendu obsesibo-konpulsiboa izeneko gaixotasunaz egiten dau berba; izan be, lehen mailako futbolari zanean, gaixotasun hori diagnostikau eutsien Gurrutxagari.