Erraz irabazi eben partidua Aldaik eta Mendizabalek. Dimoztarrak, aurreko joko ona egin eban tantuak amaituz, asmatu eban errematean eta min egin eban sakeagaz. Horren aurrean, Osesek eta Barrocalek ezin izan eben ezer egin.
Hasikeratik konzentrauta eta konfiantzeagaz egon zan Dimakoa, sensazino onakaz, eta pozik agertu zan partiduan egindako lanagaitik eta txapelketea irabazteagaitik. “Oso pozik nago txapelketa hau irabazi izanagaitik, horrek beste txapelketetarako be konfiantzea emoten deusta” azaldu eutsan BEGITUri txapeldunak.