Hilaren 3an jokatu da, Donostian, Antiguoko Txapelketearen 74. edizinoko finala, Amaia Aldai eta Leire Garairen artean. Dimoztarrak jantzi eban txapela, 18-4 erraz irabazita. Holan, 2021-2022 denporaldiko zazpigarren txapela jantzi dau Aldaik.
Aldairen esanetan, erraz irabazi eban partidu osoa bere agindupean jokatu zan-ta, Garai erasorako aukera barik itxita. Finalera urduri heldu bazan be, aurrera egin ahala berreskuratu eban konfiantzea: “Partidu hasikeran nahiko urduri sartu nintzan, final guztietan lez, tensino puntu bategaz, baina partidua aurrera joan ahala, gustura sentiduten hasi nintzan eta holan nire joko mailarik onena emona ahal izan neban”.
San Mateoko finalderdia
San Mateoko Txapelketea be dago jokoan eta finalaurrekoan, Aldai barriro egongo da aurrez-aurre Garaigaz. Hilaren 17an izango da partidua Santo Domingo de la Calzadan (Errioxa). Txapelketea bikoteka jokatzen da eta arratiarra Itxaso Erasunegaz egongo da, Garai barriz, Nora Mendizabalegaz.