Abuztuaren 3an jokatuko dira Emakume Master Cup-en Udako Torneoko lehen fasearen atzenengo partidu biak, 19:30etik aurrera Bastidan. Amaia Aldai dimoztarra eta Andrea Capellan dira momentuz liderrak, aurreko partidu biak irabazita. Oingoan, Leire Garai eta Itxaso Erasun izango dira aurkariak. Honeek, lehen partidua irabazi eta bigarrena galdu dabe.
"Capellan eta biok paper ona egin dogu. Egia da atzenaldian alkarregaz askotan egokitu jakula eta horrek txapelketetarako konplizidade maila hobetzen laguntzen dauala"
Aldai eta Capellan, gustura dabiz torneo honetan, "oin barriro disfrutetan nabil eta biok gagoz maila polit batean" azaldu dau Aldaik. Finalaurrekora pasau ezkero, abuztuaren 13an jokatuko ditue hurrengo partiduak Hondarribian.