Gorbeia Turismok Parke Naturalaren inguruetatik hainbat bisita gidatu antolatu dauz eta horreetako bat da Dima: Iraunkortasuna bizitza tradizionalean. Lehen bisitea garagarrilaren 30ean izango da, 11:00etatik 13:00etara. Helduentzako prezioa 3 eurokoa da eta 1,5 eurokoa sei eta hamabi urte bitarteko umeentzako. Amaitzerakoan txartela Azurmendi tabernan erabili daiteke, pintxopotea hartzeako. Izena, basquemountain.eus webgunean emon behar da.
Urri lehenengoaren 4an eta urri bigarrenaren 2an be egongo da bisita bardina egiteko aukerea
Bisitea, Artaun auzoko Antzasti museoan hasiko da, bertan ikusgai dago bai baserrietako bizitza tradizionala, bai Bilboko bizimodu burgesa. Museotik urten eta Artaun auzoa ikusi ostean, Ugariotzera egingo dabe ibilalditxoa, bertako karobia ezetutera.