1996 urtean jaio zan Txumuluxueta Pelota Kluba Diman. Ordutik herriko pelotariak batu eta antolatzen dabez eta, Arratiako pelotarien ardatz garrantzitsuenetako bat bihurtu da kluba. Aurten beteko ditue 25 urte Euskal Herriko frontoietan lehiatuten, eta hilaren 24an ospatuko dabe urteurrena.
Ekitaldia Dimako frontoi txikian ospatuko da. 19:30ean izango da aurkezpena eta jarraian, 20:00etan hasiko da pelota partidua. Bikotekako lehia jokatuko da plaza alboko frontoian, Txumuluxuetako entrenatzaile ohien artekoa, Iker Etxebarria-Iñigo Atutxa eta Joseba Etxebarria-Xabier Atutxa.
20:30ean urdaia banatuko dabe antolatzaileek. Bitartean bertsoak, zozketea, musikea eta giro ona prometidu dabez Txumuluxuetakoak. Beste alde batetik, kamiseta eta jertseak be egin dabez urteurrena ospatuteko eta honeek eskatuteko aukerea egongo da barikuan.