Nazinoartean ibilbiderik luzeena daukan kale antzerkiko Euskal Herriko konpainia da Deabru Beltzak. 1996. urtean sortu zan eta 25 urte daroaz kaleko arte eszenikoen ikuskizunen ekoizpenean. Finalista aukeratu barri dabe Arte Eszenikoen XXIV. Max Sarietan, Symfeuny lanagaitik, kale-ikuskizun onenaren kategorian.
Ume eta helduentzat sortutako dozenaka kale antzerki proiektu egin dauz konpainiak, ikuskizun ibiltarien diseinuan da berezia, gainera arrakasta handia jaso izan dau nazinoartean perkusino ikuskizunakaz.
Euskal Herriko hainbat antzerki taldetatik etorritako aktoreek sortu eben 1996an Deabru Beltzak kale antzerkia. Ordurik hona 10 antzezlan aurkeztu ditue, horreekaz 3.000 ekitaldi eginaz, 80 aldiz enkargau deutsie ekimen berezien antolakuntzea, 50 uritako jaien zuzendaritza artistikoa egin dabe, munduko 35 taldegaz egon dira alkarlanean. Bost kontinente eta 35 herrialde baino gehiagotan egin dabe lan, Euskal Herriko talderik nazinoartekoena bilakatuta.