Aldaik 12-7 irabazi eban Olatz Arrizabalagaren aurka, urte bitan buruz buru galdu barik egon dan lehiakidea. Irabazten hasi zan Arrizabalaga baina Dimako pelotariak partiduari bueltea emotea lortu eban, etsi barik. Gero, Aldai eta Uxue Oses binaka ibili ziran Madalen Etxegarai eta Nora Mendizalen kontra. Oingoan be Aldai eta Oses jokoan nagusitu ziran, partidu gogor baten ostean. 12-10 amaitu zan binakakoa.
Emoitzak holan egonda, oindino ezin daiteke jakin ze talde bi egongo diran abuztuaren 2an jokatuko dan finalean. Astelehenean, hilaren 26an, izango da puntuak lortuteko azken aukerea. Orduan jakingo da Amaia Aldai Plazandreak txapelketako finalean egongo dan.