Bediako Udalaren ekimenez, 2024an ipini zan martxan txikerrenen artean irakurzaletasuna bultzatuteko Liburu-maleta ibiltaria ekimena. Hasikeran Onditz Mendizabal kontalaria zan dinamizatzailea baina Amaia Egidazuk badaroa ia urte eta erdi Bediako umetxoakaz lanean eta ondo ezetuten ditu euren gustuak. Holan, noizean behin ipuinak aukeratu eta umetxoakaz konpartiduten ditu.
Hurrengo saioa oingo bagilaren 12an izango da, 17:30etik 18:30era, betiko lez ludotekan. "Liburu artean, ipuinetan murgilduta, Amaia Egidazugaz istorioak entzungo doguz. Emozinoz eta irudimenez, material desbardinak eskuartean, sorkuntza lana egiteko unea izango dogu ipuinetako personaiak lantzean", dino tailerraren azalpenak.