Bediako Ludotekako umeek, Eleizalde jubiladu eta pensinodunen alkarteak eta andra taldeak Esaera zaharrak askatu ekimena ipini dabe martxan, esakune zaharrak errekuperatuteko helburuagaz: “Kaiolatutako esaera zaharrei hegoak emongo deutseguz”.
Holan, zezeilaren 26ra arte, astebarruan 16:30etik 19:30era jenteak esakune zaharrak eroan ahal izango ditu, kaiolan sartzeako. Esaera horreek batuta, martian zehar eguaztenero 17:30ean zabalduko da kaiolea. Bertara taldetan zein banaka hurbildu ahal izango da jentea, aitatutako taldeek aukeratutako esakuneak zein norbanakoek itxitakoak irakurtera.