Abenduaren 22an, barikua, ospatuko da aurten be Bediako Gabon Jaia. Dohaintzan emoteko janari pakete baten edo euro biren truke parte hartu daiteke 17:30ean herriko frontoian hasiko dan jaian. Gauerainoko jaia izango da eta hainbat ekintza egingo dira. Besteak beste, eskulanen erakusketak eta sari banaketak zein jantza erakustaldiak. 19:00etatik aurrera, pintxoak eta edariak be zerbitzauko dira.
Erakusketotan, herriko eskulan zain marrazketa ikastaroetan ikasleek egindako lanak egongo dira ikusgai. Horrezaz gain, herritarrek egindako Gabonetako postalak eta birziklatutako materialakaz egindako zugatzak ikusi eta gero, sari banaketak egingo dira. Jantzai jagokonez, hiru izango dira erakustaldiak: gimnasia erritmikoa, saltsa eta merengea zein Jauziri taldearen jantzaldia.