azokea

Hogei urte beteko dauz Bediako eskulangintza eta elikagaien azokeak

Bagilaren 19an, nekazal eta artisautza produktuez gain, tailer eta erakustaldiak be egongo dira Bediako plazan.

Domekan, hilak 19, ospatuko da Bediako XX. eskulangintza eta elikagaien azokea, plazan 11:00etatik aurrera. Bertan, gertuko nekazarien elikagaiak eta artisautza lanak topau ahalko dauz erosleak. Erosketa bakotxagaz, produktu-loteen zozketan parte hartzeako aukerea egongo da.

Baina merkadua ez da eguneko plan bakarra izango. Izan be, azokeak iraun bitartean ehungailuen inguruko tailer bat eta tornu-lanen erakustaldia be egongo dira. Merkadua amaituta, herriko jubiladuena izango da protagonismoa, bazkari herrikoia antolatu dabe-ta.

Egin zaitez Begitu-lagun!

Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?


Izan zaitez Begitu-lagun!